பரமக்குடி,செப்.11: பரமக்குடியில் ராமநாதபுரம் கூட்டு குடிநீர் திட்ட தூய்மை பணியினை எம்எல்ஏ முருகேசன் தொடங்கி வைத்தார். பரமக்குடியில் கலைஞர் நூற்றாண்டு விழாவினை முன்னிட்டு தமிழ்நாடு குடிநீர் வடிகால் வாரியம் சார்பாக ராமநாதபுரம் கூட்டு குடிநீர் திட்ட தூய்மை பணி நடைபெற்றது. இந்த பணியினை பரமக்குடி சட்டமன்ற உறுப்பினர் முருகேசன் தொடங்கி வைத்தார். இந்த நிகழ்ச்சியில் பரமக்குடி நகர்மன்ற தலைவர் சேது கருணாநிதி, துணைத் தலைவர் குணா, நகர்மன்ற உறுப்பினர் பாக்கியம், குடிநீர் வடிகால் வாரிய நிர்வாக பொறியாளர் மகாலிங்கம், உதவி நிர்வாக பொறியாளர் முருகேசன், உதவி பொறியாளர்கள் வடிவேல், முத்துகிருஷ்ணன் மற்றும் குடிநீர் வடிகால் வாரிய பணியாளர் கலந்து கொண்டனர்.