காட்சி அரங்கில், ரோஜா, ஜினியா, டேலியா, ஜெர்பெரா, டெல்பீனியம், ஸ்னாப் டிராக்கன் உள்பட 30 வகையிலான 30 ஆயிரத்திற்கும் மேற்பட்ட பூந்தொட்டிகள் காட்சிப்படுத்தப்பட்டுள்ளன. 5.50 லட்சம் மலர்களால் ஆன பல்வேறு உருவங்கள் ஏற்பாடு செய்யப்பட்டுள்ளன. சுற்றுலாத் துறை சார்பில் ஏற்காடு ஏரியில் படகுப்போட்டி நடந்தது. இதில் ஏராளமானோர் ஆர்வத்துடன் கலந்து கொண்டு, பரிசுகளை வென்றனர். தமிழகம் மட்டுமின்றி, அண்டை மாநிலங்களில் இருந்து ஏராளமான சுற்றுலா பயணிகள் ஏற்காட்டிற்கு படையெடுத்தனர். இதனால், அங்குள்ள ஓட்டல்கள், தங்கும் விடுதிகள் நிரம்பின. பிளாஸ்டிக் பயன்பாட்டை குறைக்க, மாசு கட்டுப்பாட்டு வாரியம் சார்பில் 3 இடங்களில் தானியங்கி மஞ்சள் பை இயந்திரம் வைக்கப்பட்டுள்ளது.