2வது பாதியிலும் இந்திய வீராங்கனைகள் ஒருங்கிணைந்து விளையாடி கோல் மழை பொழிந்தனர். ஆட்ட நேர முடிவில் இந்தியா 13-0 என்ற கோல் கணக்கில் முதல் வெற்றியை பதிவு செய்தது. சங்கீதா குமாரி ஹாட்ரிக் கோல் (23, 47, 53வது நிமிடம்) அடித்து அசத்தினார். நவ்னீத் கவுர் ஆட்டத்தின் 14வது நிமிடத்திலேயே தலா ஒரு ஃபீல்டு, பெனால்டி கார்னர் கோலடித்து அதிரடித்தார். உதிதா (6’), சுசீலா சானு (8’), தீபிகா (11’), தீப் கிரேஸ் (17’), நேஹா (19’), சலிமா (35’), மோனிகா (52’), வந்தனா கட்டாரியா (56வது நிமிடம்) ஆகியோர் தலா ஒரு கோல் அடித்தனர். சிங்கப்பூர் அணி வீராங்கனைகள் கடைசி வரை போராடியும் ஒரு ஆறுதல் கோல் கூட அடிக்க முடியவில்லை. இந்தியா தனது 2வது ஆட்டத்தில் நாளை மலேசியாவை எதிர்கொள்கிறது.