அதில் உறுதியாக விளையாடிய பார்போரா 6-4, 7-6 (7-4) என்ற நேர் செட்களில் 1 மணி, 40 நிமிடம் போராடி வென்று அரையிறுதிக்கு முன்னேறினார். மற்றொரு காலிறுதியில் உக்ரைனின் எலினா ஸ்விடோலினாவை (29 வயது, 21வது ரேங்க்) எதிர்கொண்ட கஜகஸ்தான் நட்சத்திரம் எலனா ரைபாகினா (25 வயது, 4வது ரேங்க்) 6-3, 6-2 என்ற நேர் செட்களில் வென்று அரையிறுதிக்கு தகுதி பெற்றார். இப்போட்டி 1 மணி, 1 நிமிடத்திலேயே முடிவுக்கு வந்தது.
ஆண்கள் ஒற்றையர் பிரிவு காலிறுதியில் செர்பியாவின் நோவாக் ஜோகோவிச்சுடன் நேற்று மோதுவதாக இருந்த ஆஸ்திரேலிய வீரர் அலெக்ஸ் டி மினார் காயம் காரணமாக விலகியதை அடுத்து, ஜோகோவிச் 13வது முறையாக விம்பிள்டன் அரையிறுதிக்கு தகுதி பெற்றார். இந்த தொடரில் அவர் 7 முறை சாம்பியன் பட்டம் வென்றுள்ளது குறிப்பிடத்தக்கது.