இந்த தகவலை அறிந்த துணை அதிபர் கமலா ஹாரீஸ், அமெரிக்காவில் வன்முறைக்கு இடமில்லை என்றும் ட்ரம்ப் பாதுகாப்பாக இருப்பது மகிழ்ச்சி அளிக்கிறது என்றும் தெரிவித்துள்ளார். அமெரிக்காவில் நவம்பர் மாதம் 5ம் தேதி நடைபெற உள்ள அதிபர் தேர்தலில் குடியரசு கட்சி சார்பில் முன்னாள் அதிபர் ட்ரம்ப் வேட்பாளராக அறிவிக்கப்பட்டார். பென்சில்வேனியாவில் கடந்த ஜூலை 13ம் தேதி பிரச்சாரத்தில் ஈடுபட்டு இருந்த போது, ட்ரம்ப் மீது இளைஞர் ஒருவர் துப்பாக்கிச் சூடு நடத்தினார். இதில் காது பகுதியில் குண்டு பாய்ந்த ட்ரம்ப், நல்வாய்ப்பாக உயிர் தப்பினார். தற்போது மீண்டும் அவரை கொல்ல முயற்சி நடந்து இருப்பதாக அமெரிக்க உளவுத்துறை போலீஸ் பரபரப்பு தகவலை வெளியிட்டுள்ளது.