பெரும்பாலான மக்கள் கார், வேன், இருசக்கர வாகனங்கள் மூலம் பயணிப்பதால் அதிகளவு வாகனங்கள் சிங்கபெருமாள் கோயில் தேசிய நெடுஞ்சாலையை கடப்பதால் அப்பகுதியில் கடும் போக்குவரத்து நெரிசல் ஏற்பட்டு வருகிறது. சென்னை மற்றும் சென்னை புறநகர் பகுதிகளில் வசித்து வரும் தென்மாவட்ட மக்கள் வரும் 10ம் தேதி முதல் தங்களது பிள்ளைககளை பள்ளிக்கு அனுப்ப வேண்டி இருப்பதால் தொடர்ந்து சென்னை நகரை நோக்கி வந்து கொண்டிருக்கின்றனர்.
அதிகளவு வாகனங்களின் வருகை காரணமாகவும் சிங்கப்பெருமாள் கோயில் ஒரகடம் சாலை ரயில்வே கேட் அரை மணி நேரத்திற்கு ஒரு முறை திறக்கப்படுவதாலும் திருச்சி சென்னை தேசிய நெடுஞ்சாலை சிங்கப்பெருமாள் கோயில் பகுதியில் கடுமையான போக்குவரத்து நெரிசல் ஏற்பட்டு, 3 கி.மீ. தொலைவிற்கு வாகனங்கள் அணிவகுத்து நிற்கின்றன. ஆமை வேகத்தில் வாகனங்கள் ஊர்ந்து சென்றதால் பொதுமக்கள் கடும் அவதிக்குள்ளாகினர்.