சிமென்டிற்கு விதிக்கப்பட்ட 28 சதவீதத்தை, 18 சதவீதமாக குறைக்க வேண்டும். ரூ.1000-க்கு கீழ் உள்ள அறை வாடகை மீதான ஜிஎஸ்டியில் இருந்து நோய்வாய்ப்பட்ட நோயாளிகள், மாணவர்கள், வணிகர்கள் மற்றும் குறைந்த வருமானம் கொண்ட பிரிவின் கீழ் வரும் பயணிகளுக்கு விலக்கு அளிக்கப்பட வேண்டும். தனி உணவகங்களில் உணவுக்கு 5 சதவீத ஜிஎஸ்டி விதிக்கப்படுகிறது. அதே சமயம் உணவகங்களின் வாடகை கட்டிடத்திற்கு 18 சதவீத ஜிஎஸ்டி வரி விதிக்கப்படுகிறது. தனி உணவகங்கள் மீதான பெரும் வரிச்சுமைகளை தள்ளுபடி செய்திட வேண்டும்.
மாவட்ட அளவிலான வணிக வரி ஆலோசனைக் குழு கூட்டங்கள் மாதந்தோறும் அல்லது காலாண்டு என நடத்தப்பட வேண்டும். வணிகர்களுக்கு ஜிஎஸ்டி குறித்த சந்தேகங்களைத் தெளிவுபடுத்த ஒவ்வொரு மாவட்டத்திலும் உதவி மையங்களை உருவாக்க வேண்டும். மேல்முறையீட்டு தீர்ப்பாயத்தின் முன் மேல் முறையீடு மற்றும் சீராய்வு உத்தரவுகளை தாக்கல் செய்வதற்கான கால அவகாசம் தொடர்பான 53-வது ஜிஎஸ்டி கவுன்சிலின் குறிப்புடன் கூடிய விளக்கங்கள் மற்றும் ஜிஎஸ்டி சட்டத்தின் பிரிவு 112-ஐ திருத்தம் செய்ய வேண்டும்.