இதில் மணிகண்டனை சிலர் தாக்கியதில் அருக்கு காயம் ஏற்பட்டது. இதுதொடர்பாக அவர், செல்போன் மூலம் பாமக நிர்வாகிகள் சிலருக்கு தெரிவித்துள்ளார். இதில் அவர்கள் போலீசில் புகார் கொடுக்கும்படி கூறியிருக்கின்றனர். பாமகவினர் கண்டுகொள்ளாததால் மனமுடைந்த நிலையில் அங்கிருந்து வீட்டுக்கு புறப்பட்ட மணிகண்டன், திருவிடைமருதூர் வந்ததும் தஞ்சாவூரில் இருந்து மயிலாடுதுறை சென்ற பயணிகள் ரயில் முன் பாய்ந்து தற்கொலை செய்து கொண்டார். தகவல் அறிந்த கும்பகோணம் ரயில்வே போலீசார் விரைந்து சென்று மணிகண்டன் உடலை மீட்டு கும்பகோணம் அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்கு பதிந்து விசாரணை நடத்தி வருகின்றனர்.