சென்னை: தமிழ்நாட்டில் பொறியியல் படிப்புக்கான பொதுப்பிரிவு கலந்தாய்வு தொடங்கியது. முதல்சுற்றில் 30,264 மாணவர்கள் பொதுப்பிரிவு கலந்தாய்வில் கலந்துகொள்ள தகுதி பெற்றுள்ளனர். பொதுப்பிரிவில் 26,654 மாணவர்கள், 7.5% இட ஒதுக்கீட்டில் 1,343 மாணவர்கள், தொழிற்கல்வி பிரிவில் 2,267 மாணவர்கள் கலந்து கொள்ளவுள்ளனர். அரசு பள்ளி மாணவர்கள் பொது பிரிவிலும் 7.5 சதவீதம் என இரண்டு லிங்க்கையும் பயன்படுத்தி சாய்ஸ் ஃபில்லிங் செய்ய வேண்டும். 433 பொறியியல் கல்லூரிகளில் உள்ள 1,79, 938 அரசு ஒதுக்கீட்டு இடங்கள் கலந்தாய்வின் மூலம் நிரப்பப்படவுள்ளது.