தூத்துக்குடி: சென்னை – தூத்துக்குடி இடையே 4 நாட்களுக்கு பிறகு ரயில் போக்குவரத்து தொடங்கியது. நேற்றிரவு சென்னையில் இருந்து புறப்பட்ட முத்துநகர் எக்ஸ்பிரஸ் காலை 6.15 மணியளவில் தூத்துக்குடி சென்றடைந்தது. சென்னை எழும்பூர்-தூத்துக்குடி செல்லக்கூடிய முத்துநகர் எக்ஸ்பிரஸ் வழக்கம் போல இயக்கப்பட்டது.
திருச்செந்தூர் ரயில் நிலையத்தில் சீரமைப்பு பணிகள் நடைபெற்று வருவதால் ரயில் சேவையில் மாற்றம் செய்யப்பட்டுள்ளது. திருச்செந்தூர் – எழும்பூர் விரைவு ரயில் திருநெல்வேலியில் இருந்து இரவு 9.35 மணிக்கு புறப்படும். திருச்செந்தூர் – பாலக்காடு செல்லும் ரயில் மதியம் 1.30 மணிக்கு நெல்லையில் இருந்து புறப்படும். எழும்பூர் – திருச்செந்தூர் செல்லும் ரயில் திருநெல்வேலியுடன் நிறுத்தப்பட்டு பகுதியளவு ரத்து செய்யப்பட்டுள்ளது. பாலக்காடு-திருச்செந்தூர் செல்லும் விரைவு ரயில் திருநெல்வேலியில் பகுதியளவு ரத்து செய்யப்படும்.
ஸ்ரீ வைகுண்டம் செய்துங்கநல்லூர் ரயில்நிலைய தண்டவாள பனியால் 2 நாட்களுக்கு ரயில்கள் ரத்து செய்யப்பட்டுள்ளது. இன்று மற்றும் நாளை நெல்லை-திருச்செந்தூர் முன்பதிவில்ல சிறப்பு ரயில் சேவை ரத்து செய்யப்பட்டுள்ளது. நெல்லை-தூத்துக்குடி, திருச்செந்தூர்-நெல்லை முன்பதிவு செய்யப்படாத சிறப்பு ரயில்கள் சேவை ரத்து செய்யப்பட்டுள்ளது. வாஞ்சிமணியாச்சி-திருச்செந்தூர் முப்பதிவில்ல ரயில் நெல்லை-திருச்செந்தூர் இடையே பகுதியாக ரத்து செய்யப்பட்டுள்ளது.
இருமுடி, தைப்பூச விழாவை முன்னிட்டு மேல்மருத்துவரில் சிறப்பு ரயில்கள் 2 நிமிடம் நின்று செல்லும். இன்று முதல் ஜனவரி 19-ம் தேதி வரை இயக்கப்படும் எழும்பூர்-நெல்லை சிறப்பு ரயில் மேல்மருத்துவரில் நின்று செல்லும் என்று ரயில்வே அறிவித்துள்ளது. டிசம்பர்28 முதல் ஜனவரி 18 வரை இயக்கப்படம் நெல்லை-எழும்பூர் சிறப்பு ரயில் மேல்மருத்துவரில் நின்று செல்லும்
திருச்சி ஸ்ரீரங்கம் வழியாக செல்லும் விரைவு ரயில்கள் 2 நாடுகளுக்கு தலா ஒரு நிமிடம் நின்று செல்லும். இன்று நாளை வைகுண்ட ஏகாதசியை முன்னிட்டு ஸ்ரீரங்கத்தில் விரைவு ரயில்கள் நின்று செல்லும். எழும்பூர்-குமரி(12633), கன்னியாகுமரி-எழும்பூர் (12634) விரைவு ரயில்கள் ஒரு நிமிடம் நிறுத்தப்படும். எழும்பூர் – கொல்லம் (16101), கொல்லம்-எழும்பூர் (16102) விரைவு ரயில்கள் ஸ்ரீரங்கத்தில் நிறுத்தப்படும்.