டெல்லி: தமிழகத்தில் சாலை விரிவாக்கப் பணிகளுக்கு ரூ.2,281.10 கோடி ஒதுக்கீடு செய்யப்பட்டுள்ளதாக ஒன்றிய அமைச்சர் நிதின் கட்கரி தெரிவித்துள்ளார். திருவள்ளூரில் இருந்து ஆந்திர எல்லை வரை NH-716 சாலைப் பணிகளுக்கு ரூ.1,376 கோடி ஒதுக்கீடு செய்யப்பட்டுள்ளது. மேலும், தருமபுரி, சேலம் மாவட்டங்களில் 6.6 கி.மீ. நீளமுள்ள தோப்பூர் காட் பகுதியை சீரமைக்க ரூ.905 கோடி ஒதுக்கீடு செய்யப்பட்டுள்ளதாக அவர் தெரிவித்தார்.