9வது ஐசிசி டி.20 உலக கோப்பை கிரிக்கெட் தொடர் வரும் ஜூன் மாதத்தில் வெஸ்ட்இண்டீஸ் மற்றும் அமெரிக்காவில் நடைபெற உள்ளது. இதில் மொத்தம் 20 அணிகள் பங்கேற்கின்றன. ஜூன் 4ம்தேதி முதல் 30ம் தேதி வரை தொடர் நடைபெறும் என தெரிகிறது. தலா 10 அணிகள் என 2 பிரிவாக பிரிக்கப்பட்டு லீக் சுற்று நடத்தப்படும். அரையிறுதி, பைனல் உள்பட மொத்தம் 55 போட்டிகள் நடத்தப்படுகிறது.
இந்த தொடருக்கான அட்டவணை விரைவில் வெளியாக உள்ளது. ரசிகர்களை கவரும் வகையில் இந்தியா, பாகிஸ்தான் மற்றும் இங்கிலாந்து, ஆஸ்திரேலியா ஒரே பிரிவில் இடம்பெறும் என தெரிகிறது. பரம எதிரிகளான இந்தியா-பாகிஸ்தான் மோதும் போட்டி ஜூன் 9ம் தேதி நியூயார்க்கில் நடைபெற வாய்ப்பு உள்ளது. அமெரிக்காவில் இரவாக இருந்தாலும் இந்திய ரசிகர்களை கவரும் வகையில் மாலையில் நேரத்தில் போட்டி நடத்தப்படலாம் என எதிர்பார்க்கப்படுகிறது.