செக் குடியரசின் மார்கெடா வோண்ட்ரூசோவா 6-4, 6-2 என்ற நேர் செட்களில் செர்பியாவின் ஓல்கா டானிலோவிச்சை வீழ்த்தி காலிறுதிக்கு தகுதி பெற்றார். ஆண்கள் ஒற்றையர் பிரிவு 4வது சுற்றில் கிரீஸ் நட்சத்திரம் ஸ்டெபனோஸ் சிட்சிபாஸ் 3-6, 7-6 (7-4), 6-2, 6-2 என்ற செட் கணக்கில் இத்தாலியின் மேட்டியோ அர்னால்டியை வீழ்த்தி காலிறுதிக்கு முன்னேறினார். ஆண்கள் இரட்டையர் பிரிவு முதல் சுற்றில் களமிறங்கிய இந்தியாவின் ரோகன் போபண்ணா – மேத்யூ எப்டன் (ஆஸ்திரேலியா) ஜோடி (2வது ரேங்க்) 7-5, 4-6, 6-4 என்ற செட் கணக்கில் பிரேசிலின் ஆர்னால்டோ லஸ் – மார்செலோ ஸார்மேன் ஜோடியை கடுமையாகப் போராடி வென்றது. மிகவும் விறுவிறுப்பாக அமைந்த இப்போட்டி 2 மணி, 7 நிமிடத்துக்கு நீடித்தது.