அப்போது வட்டிக்கு வாங்கி மருத்துவச் செலவு செய்து வந்தேன். கொரோனா காலத்தில் அதிகமாக மருத்துவச் செலவு ஏற்பட்டது. ஒவ்வொருவரிடமும் 3 லட்சம், 4 லட்சம், 10 லட்சம் என வட்டிக்கு வாங்கினேன். திருத்தங்கல், சிவகாசி பகுதியில் உள்ள சிலருக்கு வட்டி சரியாக கொடுத்த நிலையிலும் அதிக வட்டி கேட்டு மிரட்டினர். அதில் ஒருவருக்கு அசலுக்கு மேல் வட்டி கொடுத்தும் ஒழுங்கா பணத்தை கொடு, இல்லாட்டி உன் பொண்டாட்டிய அனுப்பு. பணத்தை கொடுத்துட்டு உன் பொண்டாட்டிய கூப்பிட்டுட்டு போ என மிரட்டினார். போலீசில் சென்று புகார் கொடுத்தால் எங்களுக்கு பெரிய, பெரிய ஆள் எல்லாம் பழக்கம். எங்களை ஒன்றும் செய்ய முடியாது என்று மிரட்டுகின்றனர். வட்டி கேட்டு வீட்டிற்கு வந்து அசிங்கப்படுத்துகின்றனர். அவர்கள் மிரட்டியது அனைத்தும் எனது ஆட்டோமேட்டிக் கால் ரிக்கார்டில் உள்ளது’’ என்று கூறுகிறார். நெஞ்சை உருக்கும் இந்த வீடியோ தற்போது சமூக வலைத்தளங்களில் வைரலாகி வருகிறது.