உதகை: கோடநாடு பங்களாவில் இருந்து கொலை, கொள்ளை சம்பவம் தொடர்பாக 9 பொருட்களை சிபிசிஐடி கைப்பற்றியுள்ளதாக தகவல் தெரிவிக்கப்பட்டுள்ளது. 9 பொருட்களை உதகையில் உள்ள மாவட்ட அமர்வு நீதிமன்றத்தில் சிபிசிஐடி போலீசார் நேற்று முன்தினம் ஒப்படைத்தனர். கோடநாடு பங்களாவின் 2 வரைபடங்கள், 3 புகைப்படங்கள், ஜெயலலிதா, சசிகலா அறைகளில் இருந்து சில பொருட்கள் கண்டுபிடிக்கப்பட்டன. கோடநாடு எஸ்டேட் மேலாளர் நடராஜன், வழக்கில் சாட்சியாக சேர்க்கப்பட்டுள்ள முனிராஜ் ஆகியோரிடம் விசாரணை நடைபெற்று வருகிறது.