இளைய மகன் ஐயப்பன், மனைவி, மகன்களுடன் உள்ளூரில் வசித்து வருகிறார். கடந்த சில ஆண்டுகளுக்கு முன்பு கருப்பசாமி இறந்த நிலையில் ஆறுமுகத்தாய் ஐயப்பன் குடும்பத்துடன் வசித்து வந்துள்ளார். நேற்று முன்தினம் மதியம் ஐயப்பனுக்கும், அவரது தாய் ஆறுமுகத்தாய்க்கும் இடையே குடும்ப பிரச்னை தொடர்பாக தகராறு ஏற்பட்டுள்ளது. அப்போது வாக்குவாதம் முற்றவே ஆத்திரமடைந்த ஐயப்பன், தாயின் கழுத்தை நெரித்ததாக கூறப்படுகிறது.
இதில் மூச்சுத்திணறல் ஏற்பட்டு மயங்கி விழுந்த ஆறுமுகத்தாய் சம்பவ இடத்திலேயே உயிரிழந்தார். தகவலறிந்து சம்பவ இடத்திற்கு விரைந்து வந்த பாவூர்சத்திரம் இன்ஸ்பெக்டர் சுரேஷ் மற்றும் போலீசார், ஆறுமுகத்தாயின் உடலை கைப்பற்றி பிரேத பரிசோதனைக்காக தென்காசி அரசு மருத்துவமனைக்கு அனுப்பி வைத்தனர். மேலும் வழக்குப்பதிவு செய்து ஐயப்பனை கைது செய்தனர். பெற்ற தாயை மகனே கழுத்தை நெரித்து கொலை செய்த சம்பவம், இப்பகுதியில் பரபரப்பை ஏற்படுத்தி உள்ளது.