ஸ்கோடா ஆட்டோ இந்தியா நிறுவனம் ஸ்கோடா சூப்பர்ப் லக்சரி செடான் காரை இந்தியச் சந்தையில் அறிமுகம் செய்துள்ளது. இந்த காரில் 2 லிட்டர் டர்போ பெட்ரோல் இன்ஜின் இடம் பெற்றுள்ளது. இது அதிகபட்சமாக 190 பிஎஸ் பவரையும், 320 என்எம் டார்க்கையும் வெளிப்படுத்தும். 7 ஸ்பீடு டிஎஸ்ஜி கியர் பாக்ஸ் இடம் பெற்றுள்ளது. எல்இடி ஹெட்லாம்ப், எல் வடிவ டிஆர் எல்கள், எல்இடி டெயில் லைட்டுகள், ஸ்லீக் பம்பர், 9 அங்குல தொடுதிரையுடன் கூடிய இன்போடெயின்மென்ட் சிஸ்டம், 3 மண்டல கிளைமேட் கன்ட்ரோல், டிஜிட்டல் டிரைவர் டிஸ்பிளே, 12 ஸ்பீக்கர் 610 வாட்ஸ் கான்டன் சவுண்ட் சிஸ்டம், 9 ஏர் பேக்குகள், எலக்ட்ரானிக் ஸ்டெபிளிடி கன்ட்ரோல் உட்பட பல்வேறு அம்சங்கள் இடம் பெற்றுள்ளன. ஷோரூம் விலையாக சுமார் ரூ.54 லட்சம் என நிர்ணயம் செய்யப்பட்டுள்ளது. இந்த கார் டொயோட்டா கேம்ரி ஹைபிரிட் காருக்கு போட்டியாக இருக்கும் என எதிர்பார்க்கப்படுகிறது.