சில்லி பாய்ன்ட்…

* ஆண்கள் டென்னிஸ் ஒற்றையர் பிரிவு காலிறுதியில் விளையாட நட்சத்திர வீரர்கள் நோவாக் ஜோகோவிச் (செர்பியா), கார்லோஸ் அல்கராஸ் (ஸ்பெயின்) தகுதி பெற்றுள்ளனர். இரட்டையர் பிரிவில் ஸ்பெயினின் ரபேல் நடால் – அல்கராஸ் ஜோடி காலிறுதிக்கு முன்னேறி உள்ளது.
* ஜமைக்கா நட்சத்திரம் ஷெரிகா ஜாக்சன், மகளிர் 100 மீட்டர் ஓட்டப்பந்தயத்தில் இருந்து விலகுவதாக அறிவித்துள்ளார்.
* ஆண்கள் டிரையத்லான் போட்டியில் கிரேட் பிரிட்டன் வீரர் அலெக்ஸ் யீ (1:43:33) தங்கப் பதக்கம் வென்று அசத்தியுள்ளார். நியூசிலாந்தின் ஹேடன் ஒயில்டு (1:43:39) வெள்ளிப் பதக்கமும், பிரான்சின் லியோ பெர்கெரே (1:43:43) வெண்கலமும் வென்றனர்.
* மகளிர் கலைநய ஜிம்னாஸ்டிக்ஸ் குழு போட்டியில் அமெரிக்க அணி தங்கப் பதக்கம் வென்றது. இத்தாலி வெள்ளி, பிரேசில் வெண்கலம் வென்றன.
* ஹாட்ரிக் வெற்றியுடன் ஒயிட்வாஷ் அசத்தல்
இலங்கை அணியுடன் நடந்த 3வது மற்றும் கடைசி டி20 போட்டியில், பரபரப்பான சூப்பர் ஓவரில் அபாரமாக வென்ற இந்தியா 3-0 என்ற கணக்கில் தொடரை முழுமையாகக் கைப்பற்றி அசத்தியது (இந்தியா 137/9; இலங்கை 137/8; சூப்பர் ஓவர்: இலங்கை 4 பந்தில் 2 ரன், 2 விக்கெட்; இந்தியா 1 பந்து, 4/0). ஆட்ட நாயக: வாஷிங்டன் சுந்தர், தொடர் நாயகன்: கேப்டன் சூரியகுமார். அடுத்து இந்தியா – இலங்கை அணிகளிடையே 3 போட்டிகள் கொண்ட ஒருநாள் போட்டித் தொடர் நடைபெற உள்ளது. முதல் போட்டி கொழும்பு, ஆர்.பிரேமதாசா அரங்கில் நாளை பிற்பகல் 2.30க்கு தொடங்குகிறது.