டெல்லி: ஷாங்காய் ஒத்துழைப்பு கூட்டமைப்பின் (SCO) தலைமை ஏற்க சீனாவுக்கு இந்தியா ஆதரவு தெரிவித்துள்ளது. கஸகஸ்தான் நாட்டில் நடந்த இக்கூட்டமைப்பு மாநாட்டின் ஒரு பகுதியாக, இந்திய – சீன வெளியுறவு அமைச்சர்கள் சந்தித்து பல்வேறு விவகாரங்கள் குறித்து பேச்சுவார்த்தையில் ஈடுபட்டனர். சீனா, ரஷிய அதிபர்கள் கலந்துகொண்ட இம்மாநாட்டில் இந்திய பிரதமர் மோடி கலந்துகொள்ளவில்லை. எனினும், அவர் விரைவில் ரஷியா செல்ல இருப்பதாகவும் தகவல் வெளியாகியுள்ளது.