சாமை ஊத்தப்பம்

தேவையானவை:

சாமை – 100 கிராம்,
பச்சரிசி, ஜவ்வரி இரண்டும் சேர்த்து – 4 டேபிள்ஸ்பூன்,
உளுந்து – 25 கிராம்,
எண்ணெய் – தேவையான அளவு,
உப்பு – தேவையான அளவு.

மேலே தூவ:

பெரிய வெங்காயம் – ஒன்று (பொடியாக நறுக்கியது),
பொடியாக நறுக்கிய கேரட்,
தக்காளி,
கொத்தமல்லித்தழை,
பச்சை மிளகாய் – தலா ஒரு டீஸ்பூன்,
பொடித்த முந்திரி – 25 கிராம்,
ஊறிய கடலைப்பருப்பு – 2 டீஸ்பூன் (அனைத்தையும் கலந்து வைத்துக்கொள்ளவும்).

செய்முறை:

சாமை, பச்சரிசி, ஜவ்வரிசி, உளுந்து அனைத்தையும் 2 மணி நேரம் ஊறவைத்து அரைத்து, உப்பு சேர்த்து இரவு முழுவதும் வைக்கவும். மறுநாள் தோசைக்கல்லைச் சூடுசெய்து எண்ணெய் விட்டு, மாவை தடிமனாக வார்த்து மேலே தூவவேண்டிய பொருட்களைத் தூவி, இருபுறமும் வேக விட்டு எடுக்கவும்.