சென்னை: சென்னை சாலிகிராமத்தில் சர்வீஸ் அபார்ட்மெண்ட்டில் அறை எடுத்து விலை உயர்ந்த கஞ்சா வைத்திருந்த 2 பேர் கைது செய்யப்பட்டனர். அபார்ட்மெண்ட்டில் போதைப்பொருள் இருப்பதாக வந்த தகவலை அடுத்து போலீசார் சோதனை நடத்தினர். அறை ஒன்றில் மதுபோதையில் சந்தேகத்துடன் இருந்த 2 பேரை சோதித்தபோது விலை உயர்ந்த கஞ்சா இருப்பது தெரிய வந்தது.இருவரும் இருந்த அறையில் விலை உயர்ந்த 35 கிராம் கஞ்சாவை போலீசார் பறிமுதல் செய்தனர். ரூ.45,000 மதிப்புள்ள கஞ்சா வைத்திருந்த சாலிகிராமம் அபினேஷ், சைதாப்பேட்டை கௌரிசங்கர் ஆகியோரை போலீசார் கைது செய்தனர்.