சென்னை: ரூ.2.27 லட்சம் கோடி மதிப்புள்ள ரூ.2000 நோட்டுகள் வங்கிகள் மூலம் திரும்ப பெறப்பட்டுள்ளது என்று ரிசர்வ்வங்கி தெரிவித்துள்ளது. ரூ.2000 நோட்டுகளில் 87சதவீதம் டெபாசிட் செய்யப்பட்டுள்ளது. 13 சதவீதம் மற்ற மதிப்பு நோட்டுகளாக மாற்றப்பட்டுள்ளது. பணமதிப்பிழப்பு நடவடிக்கையால் புழக்கத்தில் இருந்து நீக்கப்பட்ட ரூபாய் நோட்டுகளின் மதிப்பை உடனடியாக மாற்றுவதே ரூ.2,000 நோட்டை அறிமுகப்படுத்தியதன் முக்கிய குறிக்கோள் என்று தெரிவித்துள்ளது.
புழக்கத்தில் இருந்து ரூ.2000 ரூபாய் நோட்டுகளை திரும்பப் பெறுவதாக இந்திய ரிசர்வ் வங்கி அறிவித்தது. மார்ச் 31, 2023 அன்று புழக்கத்தில் இருந்த 2000 ரூபாய் நோட்டுகளின் மொத்த மதிப்பு 3.62 லட்சம் கோடியாக இருந்தது. மே 19, 2023 அன்று வணிகம் முடிவடையும் போது 3.56 லட்சம் கோடியாக குறைந்துள்ளது. வங்கிகளில் இருந்து பெறப்பட்ட தரவுகளின்படி, மே 19 அன்று அறிவிப்புக்குப் பிறகு, ஜூன் 30, 2023 வரை புழக்கத்தில் இருந்து திரும்பப் பெறப்பட்ட 2000 ரூபாய் நோட்டுகளின் மொத்த மதிப்பு ரூ.2.72 லட்சம் கோடி ஆகும். ஜூன் 30ல் 0.84 லட்சம் கோடியாக இருந்தது. இதனால், மே 19, 2023 அன்று புழக்கத்தில் இருந்த 2000 ரூபாய் நோட்டுகளில் 76% திரும்ப வந்துவிட்டன.
முக்கிய வங்கிகளில் இருந்து சேகரிக்கப்பட்ட தரவுகள் புழக்கத்தில் இருந்து திரும்பப் பெறப்பட்ட மொத்த ரூபாய் நோட்டுகளில், சுமார் 87% வைப்புத் தொகையாகவும், மீதமுள்ள 13 சதவீதமும் மற்ற மதிப்புள்ள ரூபாய் நோட்டுகளாகவும் மாற்றப்பட்டுள்ளன என்பதைக் குறிக்கிறது. செப்டம்பர் 30, 2023க்கு முந்தைய சில நாட்களில் அவசரப்படுவதைத் தவிர்க்க, பொதுமக்கள் தங்களிடம் உள்ள 2000 ரூபாய் நோட்டுகளை டெபாசிட் செய்ய மற்றும் அல்லது மாற்ற அடுத்த மூன்று மாதங்களைப் பயன்படுத்திக் கொள்ளுமாறு கேட்டுக் கொள்ளப்படுகிறார்கள் என்று ரிசர்வ் வங்கி தெரிவித்துள்ளது.