*இந்த ஆண்டு முதல் ரேஷன் கடைகள் திறந்து அதன் மூலம் இலவச அரிசி, மானிய விலையில் கோதுமை, பருப்பு வகைகள், சர்க்கரை, சமையல் எண்ணெய் ஆகிய பொருட்கள் வழங்கப்படும்.பெயர் சேர்த்தல், நீக்கல், புதிய ரேஷன் கார்டுக்கு ஆன்லைனில் விண்ணப்பிக்கலாம்.
*புதுச்சேரியில் மீன்பிடி தடைக்கால நிவாரணத் தொகை ரூ.6,500-ல் இருந்து ரூ.8,000-ஆக உயர்ந்துள்ளது. மழைக்கால நிவாரணத் தொகை ரூ.3000-ல் இருந்து ரூ.6000-ஆக உயர்த்தி வழங்கப்படும்.
*பொதுத்தேர்வுகளில் முதல் 3 இடங்களைப் பெறும் அரசுப் பள்ளி மாணவர்களுக்கு ஊக்கத்தொகை வழங்கப்படும். 3 இடங்களைப் பிடிக்கும் மாணவர்களுக்கு ரூ.20ஆயிரம்.ரூ.15 ஆயிரம், ரூ.10ஆயிரம் வழங்கப்படும்.
*மடுகரையில் உள்ள அரசு மேல்நிலை பள்ளியை ரூ.15 கோடியில் மேம்படுத்தி முன்மாதிரி கலைக் கல்லூரியாக்க நடவடிக்கை எடுக்கப்படும். இந்திரா காந்தி விளையாட்டு அரங்கில் ரூ.1 கோடி செலவில் ஹாக்கி திடல் அமைக்கப்படும்.
*பாடங்கள் வாரியாக நூற்றுக்கு நூறு மதிப்பெண் பெறும் மாணவர்களுக்கு ரூ.5ஆயிரம் ஊக்கத்தொகை அறிவிக்கப்பட்டுள்ளது.அரசு பள்ளி மாணவர்களுக்கு காலணி, புத்தகப்பை வழங்கப்படும்.
*காரைக்காலில் பழமையான அருங்காட்சியகம் அமைக்கப்படும். பாரதியார் மற்றும் பாரதிதாசன் அருங்காட்சியகங்கள் மேம்படுத்தப்படும்.
*புதுச்சேரியில் ஆயுஸ் மருத்துவப் பூங்கா அமைக்க நடவடிக்கை எடுக்கப்பட்டுள்ளது.மாடி தோட்டம் அமைக்க ஒரு வீட்டிற்கு ரூ.5,000 வழங்கப்படும்.தீவனம் தயாரிக்கும் இயந்திரம் 400 விவசாயிகளுக்கு வழங்கப்படும்.