சென்னை: தமிழ்நாட்டில் கடந்த 24 மணிநேரத்தில் அதிகபட்சமாக வேலூர் மாவட்டம் பொன்னை அணையில் 10 செ.மீ. மழை பதிவாகியுள்ளது. சென்னை மாதவரத்தில் 7 செ.மீ., திருவள்ளூர் ஆர்.கே.பேட்டை, கொளத்தூரில் தலா 6 செ.மீ. மழை பதிவாகியுள்ளது. சென்னை, செங்கல்பட்டு உள்ளிட்ட இடங்களில் திடீரென்று பருவநிலை மாறியது. பல இடங்களில் நேற்று வரை 102 டிகிரி ஃபாரன்ஹீட் வெயில் சுட்டெரித்த நிலையில் இரவில் மழையால் அனல் தணிந்தது.