இந்நிலையில் கல்யாணசுந்தரம் (காலாப்பட்டு), ஜான்குமார் (காமராஜர் நகர்), விவிலியன் ரிச்சர்ட் (நெல்லித்தோப்பு), பாஜக ஆதரவு சுயேச்சைகள் அங்காளன் (திருபுவனை), சிவசங்கர் (உழவர்கரை), கொல்லப்பள்ளி ஸ்ரீனிவாஸ் அசோக் (ஏனாம்), நியமன எம்எல்ஏ வெங்கடேசன் ஆகிய 8 பேர் நேற்று இரவு திடீரென டெல்லி சென்றுள்ளனர். அவர்கள் 2, 3 நாள் அங்கு தங்கி பாஜ தேசிய தலைவர் ஜேபி நட்டா, அமித்ஷா ஆகியோரை சந்திக்க திட்டமிட்டுள்ளனர். இதற்கிடையே புதுச்சேரி முதல்வர் ரங்கசாமியை, மாநில பாஜ தலைவரும், ராஜ்யசபா எம்பியுமான செல்வகணபதி மற்றும் சபாநாயகர் செல்வம் ஆகியோர் நேற்று மதியம் அவரது அறையில் தனியாக சந்தித்து 1 மணி நேரம் பேசி உள்ளனர். அதிருப்தி எம்எல்ஏக்கள் டெல்லி பயணம் குறித்து முதல்வருடன் விவாதித்த 2 பேரும், இப்பிரச்னைக்கு சுமூகமாக தீர்வு காண ஆலோசனை நடத்தியதாக கூறப்படுகிறது. இது புதுச்சேரி அரசியல் வட்டாரத்தில் பரபரப்பை ஏற்படுத்தியுள்ளது.