* மருதாணி இலையை அரைத்து சிறிது தயிர் மற்றும் எலுமிச்சைச் சாறு கலந்து தலையில் தேய்த்தால் பொடுகு நீங்கும்.
* தேங்காய் எண்ணெயில் வெந்தயத்தைச் சேர்த்து காய்ச்சி தலையில் தேய்த்து வந்தால் பொடுகு காணாமல் போகும்.
* தேங்காய்ப் பால் எடுத்து அதை கைகளில் ஊற்றி நன்கு தலையில் தேய்த்து சிறிது நேரம் கழித்து மிதமான சுடு நீரில் அலசினால் பொடுகு மறையும்.
* தயிர், முட்டையின் வெள்ளைக்கரு, மற்றும் எலுமிச்சைச் சாறு கலந்து தலையில் தடவி பிறகு சிறிது நேரம் கழித்து குளித்தால் பொடுகு இருக்காது.
* முதல் நாள் சாதம் வடித்த கஞ்சியை மறுநாள் அதை தலையில் ஊற்றி தேய்த்துக் குளித்தால் பொடுகு நீங்கும்.
* மிளகு தூளுடன் பால் சேர்த்து அதை தலையில் சிலநிமிடங்கள் ஊற வைத்து பின் குளித்தால் பொடுகு போகும்.
* துளசி, கறிவேப்பிலை இரண்டையும் அரைத்து எலுமிச்சைப் பழ சாறுடன் கலந்து தலையில் தடவி சிறிது நேரம் கழித்து குளித்தால் பொடுகு பிரச்னை நீங்கும்.
* வேப்பிலை கொழுந்து, துளசி இரண்டையும் மை ேபால் அரைத்து அதை தலையில் தேய்த்து பிறகு சிறிது நேரம் விட்டு குளித்தால் பொடுகு விலகும்.
* வசம்பை பவுடராக்கி தேங்காய் எண்ணெயில் நன்கு ஊறவைத்து பிறகு தலையில் தேய்த்தால் பொடுகு மறையும்.
* குளித்து முடித்து கடைசியில் குளிக்கும் தண்ணீரில் வினிகர் கலந்து குளித்தால் பொடுகு போகும்.
* நெல்லிக்காய்த் தூள், வெந்தயப் பொடி, தயிர், கடலை மாவு ஒன்றாய்க் கலந்து தலையில் தேய்த்து சிறிது நேரம் கழித்து குளிக்கவும். வாரம் ஒரு முறை செய்து வந்தால் பொடுகு வராது.
* தலையில் கொஞ்சம் தயிர் விட்டு சிறிது நேரத்திற்குப் பிறகு சீயக்காய் அல்லது ஷாம்பு போட்டு தேய்த்துக் குளித்தால் பொடுகு நீங்கும்.
– காகை ஜெ. ரவிக்குமார்