இதுதவிர, ரயில்வே வழங்கும் பிளாட்பார்ம் டிக்கெட், ஓய்வு அறைகள், காத்திருப்பு அறைகள் போன்ற சேவைகளுக்கு ஜிஎஸ்டியில் இருந்து விலக்கு அளிக்க முடிவு செய்யப்பட்டுள்ளது. மேலும், கல்வி நிறுவனங்களுக்கு வெளியே மாணவர்கள் தங்கும் இடத்திற்கு வழங்கப்படும், மாதம் ரூ.20,000 வரையிலான தங்கும் விடுதி வாடகைக்கு ஜிஎஸ்டி விலக்கு அளிக்கப்பட்டுள்ளது. இது 90 நாட்கள் வரையிலும் பிஜி, ஹாஸ்டல் போன்றவற்றில் தங்கும் மாணவர்கள் மற்றும் தனியார் ஊழியர்களுக்கு பலன் அளிக்கும். இதைத்தவிர, அனைத்து வகை பால் கேன்களுக்கும் 12% ஜிஎஸ்டி வரி விதிக்க கவுன்சில் பரிந்துரை செய்துள்ளது.