திருவள்ளூர்: மாற்றுத்திறனாளிகள் நலத்துறையால் செயல்படுத்தப்படும் 5 வகையான நலத்திட்ட உதவிகள் பெற, இ-சேவை மையத்தின் வாயிலாக விண்ணப்பங்கள் வரவேற்கப்படுகின்றன என கலெக்டர் தெரிவித்துள்ளார். இதுகுறித்து, திருவள்ளூர் கலெக்டர் ஆல்பி ஜான் வர்கீஸ் விடுத்துள்ள அறிக்கையில் கூறியிருப்பதாவது: திருவள்ளூர் மாவட்டத்தில் இனிவரும் காலங்களில் மாற்றுத்திறனாளிகள் நல உதவிகளான கல்வி உதவித்தொகை, உதவி உபகரணங்கள், வங்கிக் கடன் மானியம், திருமண உதவித் தொகை, மாதாந்திர பராமரிப்பு உதவித்தொகை ஆகிய 5 வகையான நலத் திட்டங்களுக்கான விண்ணப்பங்களை மாற்றுத்திறனாளிகள் தங்கள் அருகாமையில் உள்ள இ-சேவை மையம் அல்லது https://www.tnesevai.tn.gov.in/Citizen/Registration.aspx என்ற இணையதளம் வாயிலாக விண்ணப்பித்து பயன்பெறலாம். இவ்வாறு அறிக்கையில் கூறப்பட்டுள்ளது.