உடனே அந்த நபர், ‘உங்க இஷ்டம் போறனா போங்க…’ என்று கூறினார். கொட்டும் மழையிலும் குடை பிடித்தபடி நின்ற அந்த நபர் எவ்வளவோ தடுத்தும் கேட்காமல் டிரைவர் பஸ்சை சுரங்கப்பாதையில் இயக்கினார். இதனால் அங்கு தேங்கியிருந்த மழைநீரில் சிக்கி பஸ் நின்றது. பயணிகள் வெளியேற முடியாமல் தவித்தனர்.
தகவலறிந்து தீயணைப்பு படையினர் விரைந்து வந்து பஸ்சில் இருந்த பயணிகளை அவசர வழியை திறந்து தோளில் சுமந்து ஒவ்வொருவராக மீட்டனர். சுரங்கப்பாதையில் செல்ல வேண்டாம் என ஒருவர் டிரைவரிடம் சொல்வதும், அதை மீறி சென்ற அரசு பஸ் சுரங்கப்பாதை மழைநீரில் சிக்கி நிற்பதும் வீடியோ காட்சிகளாக சமூக வலைதளங்களில் வைரலானது.
இதை தொடர்ந்து டிரைவர் சசிகுமாரை சஸ்பெண்ட் செய்து நாகர்கோவில் கோட்ட பொது மேலாளர் மெர்லின் ஜெயந்தி நேற்று அதிரடியாக உத்தரவிட்டுள்ளார்.