இந்நிலையில் அமைச்சர் உதயநிதி ஸ்டாலின் முகாம்களில் தங்கி இருப்பவர்களை சந்தித்து வருகிறார். பள்ளிக்கூடத்தில் உள்ள முகாம்களில் தங்கவைக்கப்பட்டுள்ள நெல்லை மாநகர பகுதியை சேர்ந்தவர்களிடம் அவர் நலம் விசாரித்தார். அதே போல் அவர்களுக்கு அங்கு போதுமான உணவு உடைகள் வழங்கப்பட்டு வருகிறதா? என்ன குறை இருக்கிறது என்பதை அவர் கேட்டறிந்தார்.
தாமிரபரணி ஆற்றங்கரையில் இருக்கிறோம் எங்களுக்கு நிரந்தரமாக வீடுகட்ட உதவி செய்ய வேண்டும் என்று கேட்டுக்கொண்டனர். உணவு, உடை அத்தியாவசிய பொருட்கள் வழங்கப்பட்டு வருவதாகவும் கூறினர். இதனை அடுத்து அவர் நெல்லை மாநகரத்தில் மற்றொரு இடத்தில் உள்ள முகாமுக்கு செல்ல இருப்பதாக திட்டமிட்டுள்ளார். அதனை அடுத்து நெல்லை மாநகராட்சியில் அதிகாரிகள் எடுத்துவரும் நடவடிக்கைகள் குறித்து ஆய்வு செய்து செய்தியாளர்களை சந்திக்கவுள்ளார்.