அதற்க்கு பதிலளித்த அமைச்சர் துரைமுருகன் கூறியதாவது; சினிமாவில் மூத்த நடிகர்கள் எல்லாம் வயசாகி போய், பல் விழுந்து போய், தாடி வளர்த்து கடைசி காலத்திலும் நடித்துக் கொண்டிருப்பதால் இளைஞர்களுக்கு வாய்ப்பு இல்லாமல் இருக்கிறதா? அப்படித்தான்” என்று கூறியுள்ளார். அமைச்சர் துரைமுருகனின் இந்த பேச்சு பரபரப்பை ஏற்படுத்தியுள்ளது. இந்நிலையில் இன்று சென்னை விமான நிலையத்தில் செய்தியாளர்களுக்கு பேட்டி அளித்த நடிகர் ரஜினிகாந்த், அமைச்சர் துரைமுருகன் கூறியதில் வருத்தம் இல்லை என்றார்.
இது குறித்து நடிகர் ரஜினிகாந்த் பேசியதாவது: அமைச்சர் துரைமுருகன் எனது நீண்ட கால நண்பர்: அவரை எனக்கு ரொம்ப பிடிக்கும். துரைமுருகன் உடனான எனது நட்பு எப்போதும் போல தொடரும் என்று கூறியுள்ளார். பின்னர், இன்று சென்னை விமான நிலையத்தில் செய்தியாளர்களிடம் அமைச்சர் துரைமுருகன் பேட்டி அளித்துள்ளார். அப்பொழுது அவர் கூறியதாவது; நாங்கள் எப்போதும் நண்பர்களாகவே இருப்போம். எங்களுடைய நகைச்சுவையை யாரும் பகைச்சுவையாக பயன்படுத்த வேண்டாம். நடிகர் ரஜினி குறித்து நகைச்சுவையாகவே பதிலளித்தேன் என அமைச்சர் துரைமுருகன் தெரிவித்தார்.