எனவே, அதை நம்பி ஆன்லைன் டிரேடிங்கில் சேர்ந்து, மர்ம நபர்கள் கொடுத்த வங்கி கணக்குகளில், பல தவணைகளில் ரூ.1.20 கோடி டெபாசிட் செய்தேன். இந்நிலையில், நான் முதலீடு செய்த தொகையில், எனது கமிஷனை எடுக்க முயன்றபோது, எனது வங்கி கணக்கு முடக்கப்பட்டது. எனவே, மோசடியில் ஈடுபட்டவர்கள் மீது நடவடிக்கை எடுக்க வேண்டும் என கூறியிருந்தார். இதுகுறித்து விசாரித்த ஆவடி சைபர் கிரைம் போலீசார், திருவள்ளூர் மாவட்டம், மணவூரைச் சேர்ந்த கிரிதரன் (23) என்பவரை கைது செய்தனர். பின்னர், நேற்று பூந்தமல்லி நீதிமன்றத்தில் ஆஜர்படுத்தி புழல் சிறையில் அடைத்தனர். மேலும் மோசடி கும்பல் பலரிடம் பல கோடி ரூபாய் ஏமாற்றியது விசாரணையில் தெரிய வந்தது.