சென்னை : சென்னையில் ஒலி மாசு வரைபட ஆய்வை மேற்கொள்ள ரூ.50 லட்சம் ஒதுக்கீடு செய்து தமிழ்நாடு அரசு அரசாணை வெளியிட்டுள்ளது. சென்னையில் உள்ள 15 மண்டலங்களில் ஒரு மண்டலத்துக்கு 4 சென்சார்கள் வீதம் பொருத்தப்பட உள்ளன. 4 சென்சார்கள் வீதம் பொருத்தப்பட்டு மொத்தம் 60 சென்சார்கள் மூலம் ஒலி மாசு தொடர்பான வரைபட ஆய்வு மேற்கொள்ளப்படும் என்றும் குடியிருப்புகள், போக்குவரத்து சந்திப்புகள், கல்வி நிறுவனங்கள் உள்ளிட்ட இடங்களில் சென்சார் பொருத்தப்பட்டு ஆய்வு செய்யப்படும் என்று தெரிவிக்கப்பட்டுள்ளது.