*சந்தனத்தோடு வெள்ளரி விதைகளைக் கலந்து அரைத்து முகத்தில் பூசி, பத்து நிமிடங்கள் கழித்துக் கழுவவும். வாரம் இரண்டு முறை இப்படிச் செய்து வந்தால் முகம் ஜொலிக்கும்.
*வறண்ட சருமம் உள்ளவர்கள் வாழைப்பழத்தை மசித்து அதில் பாலாடை மற்றும் தேன் கலந்து முகத்தில் பூசி, கால் மணி நேரம் கழித்துக் கழுவினால் சரும சுருக்கம் நீங்கும்.
*மோரில் முள்ளங்கியை அரைத்து முகத்தில் தேய்த்தால் கரும்புள்ளிகள் மறையும்.
*பாலேட்டில் சில துளிகள் எலுமிச்சைப் பழச்சாற்றைக் கலந்து முகத்தில் நன்றாக தேய்த்துப் பூசி 15 நிமிடங்கள் கழித்து கழுவினால் வறட்சி நீங்கி முகம் பளபளப்பாகும்.
*குப் பை மேனி இலை, மஞ்சள், வேப்பிலை மூன்றையும் அரைத்து முகத்தில் தடவி வைத்து சிறிது நேரம் ஊறவைத்து பின்பு கழுவினால் முகத்தில் உள்ள முடி உதிர்ந்துவிடும்.
*துளசி இலைகளை கசக்கி அந்த நீரை முகத்தில் தேய்த்துக்கொண்டு இரவில் விட்டு காலையில் எழுந்ததும் கழுவிச் சுத்தம் செய்து வந்தால் முகம் அழகாக காட்சி தரும்.
– இந்திராணி தங்கவேல்