சென்னை: திமுக இளைஞர் அணி செயலாளரும், அமைச்சருமான உதயநிதி ஸ்டாலின் தனது சமூக வலைத்தளம் பதிவில் கூறியிருப்பதாவது: திராவிட இயக்கக் கொள்கைப் பேராசான்-கலைஞரின் உற்ற நண்பர் – திமுக தலைவரின் வழிகாட்டி – திமுகவின் நீண்டகால பொதுச் செயலாளர் என நம்மையெல்லாம் வார்ப்பித்த இனமான பேராசிரியரின் 102வது பிறந்த நாளான இன்று (நேற்று), அவரது திருவுருவப்படத்துக்கு மலர்தூவி மரியாதை செய்தோம். தன் வாழ்நாள் முழுவதும் ஓரியக்கம் – ஒரே கொள்கை – ஒரே குறிக்கோள் என முன்னுதாரணமாக திகழ்ந்த பேராசிரியர் விட்டுச் சென்ற பணிகளை நாம் தொடர்ந்து செய்திட உறுதியேற்போம். அவரது புகழ் ஓங்கட்டும். இவ்வாறு பதிவில் கூறப்பட்டுள்ளது.