இது குறித்து பள்ளிக் கல்வி இயக்குநர் அறிவொளி நேற்று வெளியிட்ட அறிக்கை:
தொடர் மழை காரணமாக அனைத்து அரசு மற்றும் அரசு நிதியுதவி பெறும் பள்ளிகளில் மேனிலை வகுப்புகளுக்கான அரையாண்டுத் தேர்வு ஏற்கெனவே அறிவிக்கப்பட்ட அட்டவணைப்படி 11ம் தேதி முதல் அறிவிக்கப்பட்ட பாடத் தேர்வுகள் அந்தந்த தேதிகளில் நடக்கும். 7 மற்றும் 8ம் தேதிகளில் நடக்க இருந்த தேர்வுகள் மட்டும் 14 மற்றும் 20ம் தேதிகளில் நடத்தப்படும். இதன் மூலம் சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் பள்ளி அளவில் கேள்வித்தாள் தயாரிக்கும் சிரமங்கள் தவிர்க்கப்படும். 6 முதல் 9ம் வகுப்புகளுக்கு தேர்வில் எந்த மாற்றமும் இல்லை.