கடந்த 41 ஆண்டுகளில், ஆஸ்திரியாவுக்கு பயணம் மேற்கொள்ளும் முதல் இந்தியப் பிரதமர் மோடி என்று கூறப்படுகிறது. மோடி தனது பயணத்தின்போது, இரு நாடுகளில் வசிக்கும் இந்திய வம்சாவளியினருடன் கலந்துரையாடுகிறார். கடந்த 2019ல் ரஷ்யாவில் பொருளாதார மாநாட்டில் பிரதமர் மோடி பங்கேற்றார். 5 ஆண்டுகளுக்கு பின் இப்போது ரஷ்யாவுக்கு அவர் பயணம் மேற்கொள்கிறார். உக்ரைன் போர் விவகாரத்தில், ரஷ்யா மீது மேற்கத்திய நாடுகள் பல்வேறு தடைகளை விதித்துள்ள போதிலும், அந்நாட்டுடன் இந்தியா வலுவான நட்புறவை பராமரித்து வருகிறது என்பது குறிப்பிடத்தக்கது.