கலவரம் பாதித்த பகுதிகளில் இருந்த மக்கள் பாதுகாப்பான இடங்களுக்கு அப்புறப்படுத்தப்பட்டனர். வன்முறை பரவலை தடுக்க மாநிலம் முழுவதும் செல்போன், இணையதள சேவைகள் துண்டிக்கப்பட்டன. கலவரத்தில் ஈடுபடுவோரை கண்டதும் சுட மாநில அரசு உத்தரவு பிறப்பித்திருந்தது. மேலும் வன்முறையை தடுக்கும் விதமாக பதற்றமான பகுதிகளில் 144 தடை உத்தரவு பிறப்பிக்கப்பட்டது. மணிப்பூரில் அமைதியை மீட்டெடுக்க மாநில, ஒன்றிய அரசுகள் பல்வேறு நடவடிக்கைகளை எடுத்து வருகின்றன.
இந்த நிலையில் மணிப்பூரில் இயல்புநிலை திரும்பி வருகிறது. வன்முறையால் பெரிதும் பாதிக்கப்பட்ட சுரசந்த்பூர், தெங்னவுபால், கங்க்போபி, பிஷ்னுபூர், ஜிரிபாம் உள்ளிட்ட பகுதிகளில் எந்த வன்முறை சம்பவங்களும் இன்றி அமைதியான சூழல் நிலவுகிறது. இங்கிருந்து வௌியேற்றப்பட்ட மக்கள் வீடுகளுக்கு திரும்ப தொடங்கியுள்ளனர். இதையடுத்து 11 மாவட்டங்களில் காலை 5 மணி முதல் மாலை 6 மணி வரை ஊரடங்கு தளர்வு அறிவிக்கப்பட்டுள்ளது.