மணிப்பூர்: மணிப்பூரில் அமைதியை நிலைநாட்ட கோரி மாணவர்கள் போராட்டத்தை அடுத்து 5 மாவட்டங்களில் ஊரடங்கு பிறப்பிக்கப்பட்டுள்ளது. கிழக்கு மற்றும் மேற்கு இம்பால் மாவட்டங்களில் மக்கள் வீடுகளை விட்டு வெளியே வர அரசு தடை விடுத்துள்ளது. தவ்பால் மாவட்டத்தில் குற்றவியல் நடைமுறைச் சட்டவிதி 163 (2)ன் கீழ் தடை உத்தரவு பிறப்பிக்கப்பட்டுள்ளது. சட்டம் – ஒழுங்கு பிரச்சனை ஏற்படக்கூடும் என்பதால், ஏற்கனவே அறிவித்திருந்த ஊரடங்கு தளர்வு ரத்து என அறிவிக்கப்பட்டது. மருத்துவம், மின்சாரம், குடிநீர் உள்ளிட்ட முக்கிய துறைகளுக்கு மட்டும் ஊரடங்கில் இருந்து விலக்கு தரப்பட்டுள்ளது.