உத்திரமேரூரில் மதிமுக செயற்குழு கூட்டம்

உத்திரமேரூர்: உத்திரமேரூர் தனியார் திருமண மண்டபத்தில் மதிமுக சார்பில், காஞ்சிபுரம் புறநகர் மாவட்ட நிர்வாகிகளுக்கான அவசர செயற்குழு கூட்டம் நேற்று முன்தினம் நடைபெற்றது. கூட்டத்திற்கு, மாவட்டச் செயலாளர் கருணாகரன் தலைமை தாங்கினார். மாவட்ட துணைச் செயலாளர்கள் கலைவாணி மாரிமுத்து, தயாளன், மணிவண்ணன் ஆகியோர் முன்னிலை வகித்தனர். மாவட்ட பொருளாளர் கன்னியப்பன் அனைவரையும் வரவேற்றார்.

பொருளாளர் செந்திலதிபன் சிறப்புரையாற்றினார். நிகழ்ச்சியில், வரவிருக்கும் நாடாளுமன்ற தேர்தலில் மதிமுக ஆதரிக்கும் வேட்பாளரை அதிக வாக்கு வித்தியாசத்தில் வெற்றிபெற கழக நிர்வாகிகள் முனைப்புடன் செயல்பட வேண்டும். மேலும், புதிய உறுப்பினர்கள் சேர்க்கை, கிளைகள்தோறும் கல்வெட்டு மற்றும் கொடிக்கம்பங்கள் அமைத்தல் உள்ளிட்ட தீர்மானங்கள் நிறைவேற்றப்பட்டன. இக்கூட்டத்தில் மதிமுக புறநகர் மாவட்ட நிர்வாகிகள் உள்ளிட்ட பலர் கலந்துகொண்டனர்.