மாநில இளைஞர் காங்கிரஸ் தலைவராகவும் பொறுப்பு வகித்து வந்த பச்சோரி, 4 முறை மாநிலங்களவை உறுப்பினராகவும் தேர்வு செய்யப்பட்டிருந்தார். இந்நிலையில் சுரேஷ் பச்சோரி, நேற்று மத்தியபிரதேச பாஜ தலைமை அலுவலகத்தில் முதல்வர் மோகன் யாதவ், மாநில பாஜ தலைவர் வி.டி.சர்மா மற்றும் முன்னாள் முதல்வர் சிவ்ராஜ் சிங் சவுகான் ஆகியோர் முன்னிலையில் பாஜவில் இணைந்தார்.
இதேபோல் பழங்குடியினத்தை சேர்ந்த முக்கிய காங்கிரஸ் தலைவர்களில் ஒருவரும், மாநிலங்களவை முன்னாள் உறுப்பினருமான கஜேந்திர சிங் ராஜூகேடியும் நேற்று பாஜவில் சேர்ந்தார்.
இவர் 1998, 1999 மற்றும் 2009 ஆகிய ஆண்டுகளில் 3 முறை தார் (பட்டியலிடப்பட்ட பழங்குடியினர்) மக்களவை தொகுதியில் இருந்து காங்கிரஸ் சார்பில் மக்களவைக்கு தேர்ந்தெடுக்கப்பட்டவர். காங்கிரசில் சேர்வதற்கு முன் 1990ல் பாஜ சட்டப்பேரவை உறுப்பினராக இருந்த கஜேந்திர சிங் ராஜூகேடி மீண்டும் பாஜவில் சேர்ந்துள்ளார். இவர்களுடன் காங்கிரஸ் கட்சியை சேர்ந்த கைலாஷ் மிஸ்ரா, அதுல் சர்மா, அலோக் சன்சோரியா, சஞ்சய் சுக்லா, அர்ஜூன் பாலியா, விஷால் படேல் ஆகியோரும் நேற்று பாஜவில் இணைந்தனர்.