அந்த லாரியில் வெல்டிங் வைக்க பயன்படுத்தப்படும் சிலிண்டர்கள் அடுக்கி வைக்கப்பட்டிருந்தது. அதன் அடியில் அட்டை பார்சல்களில் கஞ்சா பதுக்கி வைக்கப்பட்டிருந்தது கண்டறியப்பட்டது. உடனே லாரி டிரைவரான சேசுகும்மாலா (34) என்பவரை மடக்கி பிடித்தனர். பின்னர், லாரிக்குள் இருந்து ரூ.27 லட்சம் மதிப்புள்ள 270 கிலோ கஞ்சாவை பறிமுதல் செய்தனர். டிரைவர் சேசுகும்மாலாவை கைது செய்து தீவிர விசாரணை நடத்தியதில், ஆந்திராவில் இருந்து நாகப்பட்டினத்திற்கு கஞ்சாவை கடத்திச் சென்றது தெரியவந்தது. அவர் கொடுத்த தகவலின்பேரில் ரூ.27 லட்சம் கஞ்சா கடத்தலில் தொடர்புடைய 4 பேரை இன்று பிடித்தனர். அந்த 4 பேரையும் ரகசிய இடத்தில் வைத்து விசாரித்து வருகின்றனர். இதனிடையே ஏற்கனவே கைதான சேசுகும்மாலாவை சேலம் கோர்ட்டில் ஆஜர்படுத்தி, மத்திய சிறையில் அடைத்தனர்.