பின்னர் தமிழக காங்கிரஸ் தலைவர் செல்வப்பெருந்தகை அளித்த பேட்டி: ஒவ்வொரு தொகுதிக்கும் தகுதியான 3 வேட்பாளர்கள் பட்டியல் தயாரிக்கப்பட்டுள்ளது. காங்கிரஸ் வேட்பாளர்களை இறுதி செய்ய இன்று(நேற்று) மாலை டெல்லி செல்கிறேன். அங்கு, அகில இந்திய காங்கிரஸ் கட்சி தலைவர்களுடன் கலந்துரையாடி ஹரி சவுத்ரி தலைமையில் அமைக்கப்பட்டுள்ள தேர்வு குழுவுடன் விவாதிக்கப்படும். இதை தொடர்ந்து நாளை(இன்று) மத்திய தேர்தல் குழு தலைவர்கள் கூடி அதில் பெயர்கள் இறுதி செய்யப்பட்டு வேட்பாளர்கள் பெயர்களை நாளை(இன்று) இரவுக்குள் அறிவிக்கப்படும். திமுகவின் தேர்தல் அறிக்கை மக்கள் மத்தியில் வரவேற்புக்குரியதாக அமைந்துள்ளது. காங்கிரஸ் கட்சி நினைத்ததை திமுக தேர்தல் அறிக்கையாக அறிவித்துள்ளது. அன்புமணி, ஜி.கே.வாசன் ஆகியோரை வைத்துக் கொண்டு குடும்ப அரசியலை ஒழிப்பேன் என பாஜ தலைவர்கள் கூறுவது வேடிக்கையாக உள்ளது. இவ்வாறு அவர் கூறினார். அன்புமணி, ஜி.கே.வாசன் ஆகியோரை வைத்துக் கொண்டு குடும்ப அரசியலை ஒழிப்பேன் என பாஜக தலைவர்கள் கூறுவது வேடிக்கையாக உள்ளது.