லெக்ட்ரிக்ஸ் இவி நிறுவனம், புதிய எல்எக்ஸ் 2.0 என்ற எலக்ட்ரிக் ஸ்கூட்டரை அறிமுகம் செய்துள்ளது. ஷோரூம் விலையாக சுமார் ₹79,999 என நிர்ணயம் செய்யப்பட்டுள்ளது. இதில் 2.3 கிலோவாட் அவர் பேட்டரி இடம் பெற்றுள்ளது. ஒரு முறை சார்ஜ் செய்தால் அதிகபட்சமாக 98 கி.மீ தூரம் வரை செல்லும். இந்த நிறுவனம் ஏற்கெனவே எல்எக்ஸ்எஸ் 3.0 என்ற எலக்ட்ரிக் ஸ்கூட்டரை சந்தைப்படுத்தியுள்ளது. இரண்டிலுமே 2.2 கிலோவாட் அவர் பிஎல்டிசி ஹப் மோட்டார் தான் இடம் பெற்றுள்ளது. அதிகபட்சமாக மணிக்கு 60 கி.மீ வேகம் வரை செல்லும். 40 கி.மீ வேகத்தை 10.2 நொடிகளில் எட்டும். முன்பதிவு செய்பவர்களுக்கு மார்ச் மாதம் வாகனம் டெலிவரி செய்யப்படும் என நிறுவன தரப்பில் தெரிவிக்கப்பட்டுள்ளது.