கோயம்பேடு பேருந்து நிலைய இடத்தில் பெரிய பூங்காவை அமைக்க அன்புமணி வலியுறுத்தல்

சென்னை: பாமக தலைவர் அன்புமணி வெளியிட்டுள்ள அறிக்கை: சென்னை கோயம்பேடு பேருந்து நிலையம் 36 ஏக்கரிலும், தனியார் பேருந்து நிலையம் 6.8 ஏக்கரிலும் செயல்பட்டு வருகின்றன.அவற்றுடன் கோயம்பேடு சந்தைப் பூங்கா அமைந்துள்ள 7.6 ஏக்கர், கூடுதலாக உள்ள நிலம் 16 ஏக்கர் ஆகியவற்றைச் சேர்த்தால் கிடைக்கும் மொத்தம் 66.4 ஏக்கர் நிலத்தில் சென்னையின் மிகப்பெரிய பூங்காவை அமைக்க வேண்டும்.

கோயம்பேடு புறநகர் பேருந்து நிலையம் உள்ளிட்ட கட்டமைப்புகள் அமைந்துள்ள நிலத்தில் 48 ஏக்கர் பரப்பளவில் கைவினைப் பொருட்கள் வணிக மையத்தை அமைக்க அரசு திட்டமிட்டிருக்கிறது என ஊடங்களில் செய்திகள் வெளியாகியுள்ளன. இதை ஏற்றுக்கொள்ள முடியாது. எனவே காலநிலை மாற்றத்தை எதிர்கொள்வதற்கான நடவடிக்கைகளின் ஒரு பகுதியாக கோயம்பேட்டில் பெரிய பூங்காவை அமைக்க வேண்டும்.