தற்போது கிரிக்கெட் ஆடி வரும் வீரர்களில் சிறந்த நான்கு டெஸ்ட் பேட்ஸ்மேன்கள் என விராட் கோஹ்லி, ஸ்டீவ் ஸ்மித், ஜோ ரூட் மற்றும் கேன் வில்லியம்சன் ஆகியோரை குறிப்பிடுகின்றனர். 2020க்கு முன்பு வரை இந்த நால்வரில் விராட் கோஹ்லி அதிக சதங்கள் அடித்து முன்னிலையில் இருந்தார். ஆனால், தற்போது கோஹ்லியை விட மற்ற மூவரும் அதிக டெஸ்ட் சதங்கள் அடித்துள்ளனர்.
அதற்கு பதிலடி கொடுக்க வேண்டும் என்றால் இந்திய அணி அடுத்து ஆட உள்ள மூன்று டெஸ்ட் தொடர்களில் கோஹ்லி சிறப்பாக செயல்பட்டு ரன் குவிக்க வேண்டும். அதற்கான முயற்சியாகவே அவர் சேப்பாக்கத்தில் நடைபெற்ற வலைப் பயிற்சியின் போது அதிரடியாக சிக்ஸ் அடித்து இருக்கிறார்.