கேரளாவில் கனமழைக்கு 3 நாளில் 15 பேர் பலி

திருவனந்தபுரம்: கேரளா முழுவதும் பலத்த மழை பெய்து வரும் நிலையில் 3 நாட்களில் 15 பேர் மழைக்கு பலியாகியுள்ளனர். கேரளாவில் தொடர் மழை காரணமாக கடந்த 3 நாட்களில் 15 பேர் பலியாகி உள்ளனர். பெரும்பாலான ஆறுகளில் வெள்ளப்பெருக்கு ஏற்பட்டுள்ளது. அணைகளும் வேகமாக நிரம்பி வருகின்றன. அடுத்த 3 நாட்களுக்கு கேரளா முழுவதும் பலத்த மழை பெய்யும் என்று வானிலை ஆய்வு மையம் அறிவித்துள்ளது. நேற்று கண்ணூர், வயநாடு, காசர்கோடு மாவட்டங்களுக்கு சிவப்பு எச்சரிக்கையும், கோட்டயம், எர்ணாகுளம், திருச்சூர் உள்பட 7 மாவட்டங்களுக்கு ஆரஞ்சு எச்சரிக்கையும், திருவனந்தபுரம், கொல்லம், ஆலப்புழா மற்றும் பத்தனம்திட்டா மாவட்டங்களுக்கு மஞ்சள் எச்சரிக்கையும் விடுக்கப்பட்டிருந்தது.