அவர் தனது சமூக ஊடக பதிவில், ‘‘வரும் செப்டம்பர் 4ம் தேதி டிவி சேனலின் நேரடி விவாத நிகழ்ச்சியில் கமலா ஹாரிசுடன் பங்கேற்க நான் தயாராக இருக்கிறேன்’’ என கூறி உள்ளார். இதுவரை கமலா ஹாரிஸ் அதிகாரப்பூர்வ வேட்பாளராக அறிவிக்கப்படாமல் இருந்ததால் அவருடனான நேரடி விவாதத்தை டிரம்ப் புறக்கணித்து வந்தார். இந்நிலையில், அதிகாரப்பூர்வ வேட்பாளராக கமலா ஹாரிஸ் அறிவிக்கப்பட்டதும் சவாலை ஏற்றுள்ளார். ஏற்கனவே பிரசாரத்தில் கமலா ஹாரிசுக்கு எதிராக இனவெறி தாக்குதலை டிரம்ப் நடத்தி வரும் நிலையில் அவர்களின் நேரடி விவாத நிகழ்ச்சி பெரும் எதிர்பார்ப்பை ஏற்படுத்தி உள்ளது. இதற்கு முன் பைடனுடன் நடந்த நேரடி விவாதத்தில் டிரம்ப் ஆதிக்கம் செலுத்தியது குறிப்பிடத்தக்கது.