இதுகுறித்து லோக்ஜன சக்தி(ராம்விலாஸ் பஸ்வான்) கட்சி தலைவரும், ஒன்றிய உணவு பதப்படுத்துதல் தொழில்துறை அமைச்சருமான சிராக் பஸ்வான் ராஞ்சியில் உள்ள பிர்சா முண்டா விமான நிலையத்தில் நேற்று செய்தியாளர்களை சந்தித்தார். அப்போது, “ ஜார்க்கண்டில் லோக்ஜன சக்தி(ராம்விலாஸ் பஸ்வான்) கட்சிக்கு வலுவான மக்கள் தளம் அமைந்துள்ளது. இதனால் ஜார்க்கண்ட் பேரவை தேர்தலில் தனித்து போட்டியிட உள்ளோம். இதுகுறித்து கட்சியினருடன் ஆலோசித்து வருகிறோம்” என்று கூறினார்.