இந்த பரிந்துரையானது கல்விப் பணியாளர் கொள்கை, ஆள்சேர்ப்பு மற்றும் ஆரம்ப பயிற்சி மற்றும் ஆசிரியர்களின் தொடர்ச்சியான கல்வி, அவர்களின் வேலை வாய்ப்பு மற்றும் பணி நிலைமைகள் தொடர்பான தரங்களை க் கோடிட்டுக் காட்டுகிறது. உலக ஆசிரியர் தினமானது ‘‘உலகின் கல்வியாளர்களைப் பாராட்டுதல், மதிப்பீடு செய்தல் மற்றும் மேம்படுத்துதல்” ஆகியவற்றில் கவனம் செலுத்துவதையும், ஆசிரியர்கள் மற்றும் கற்பித்தல் தொடர்பான பிரச்னைகளைக் கருத்தில்கொள்
வதற்கான வாய்ப்பை வழங்குவதையும் நோக்கமாகக் கொண்டுள்ளது.
உலக ஆசிரியர் தினத்தைக் கொண்டாட, ஐக்கிய நாடுகளின் கல்வி, அறிவியல் மற்றும் கலாச்சார அமைப்பு (யுனெஸ்கோ) மற்றும் கல்வி சர்வதேசம் (Education International -EI) ஆகியவை இணைந்து ஆசிரியர்களைப் பற்றி
உலகிற்குச் சிறந்த புரிதலையும் மாணவர்களின் வளர்ச்சியில் அவர்கள் வகிக்கும் பங்கையும் எடுத்துரைக்க ஒவ்வொரு ஆண்டும் வெவ்வேறு கருப்பொருள்களின் அடிப்படையில் கவனம் செலுத்தி கொண்டாடப்பட்டு வருகிறது. உதாரணமாக, ‘‘ஆசிரியர்களுக்கு அதிகாரமளித்தல்’’ என்பது 2017ஆம் ஆண்டிற்கான கருப்பொருளாக இருந்தது. அடுத்த ஆண்டு, 2018 ‘‘கல்விக்கான உரிமை என்பது தகுதியான ஆசிரியருக்கான உரிமை” என்ற கருப்பொருள் அடிப்படையிலும், ஆசிரியர் பிரச்சினைகளைப் பற்றிய விழிப்புணர்வை உருவாக்கும் விதமாக ஆசிரியர்களை மரியாதை செய்வதன் மூலமும் உதவ முடியும் என்று யுனெஸ்கோ அறிவிக்கிறது. பள்ளிகள் மற்றும் மாணவர்கள் இந்த நாளில் ஆசிரியர்களுக்கு சிறப்பு செய்கிறார்கள். 2023ஆம் ஆண்டின் உலக ஆசிரியர் தினத்தின் கருப்பொருள் ‘‘நாம் விரும்பும் கல்விக்குத் தேவையான ஆசிரியர்கள்” என்பதாகும்.
மாணவர்களை வளர்த்து, கல்வியில் முன்னேற்றத்தை ஏற்படுத்துவதன் மூலம் எதிர்காலத்தை வடிவமைப்பதில் ஆசிரியர்கள் முக்கிய பங்கு வகிக்கின்றனர். இருப்பினும், அவர்களின் திறனை முழுமையாகப் பயன்படுத்துவதற்கு, அவர்களின் குரல்கள் கேட்கப்படுவதும், அவர்களின் தொழிலைப் பாதிக்கும் பிரச்சினைகளில் முடிவெடுக்கும் செயல்முறைகளும் முக்கியம். இந்த ஆண்டு உலக ஆசிரியர் தினம், ஆசிரியர்கள் எதிர்கொள்ளும் முறையான சவால்களை எதிர்கொள்ள வேண்டியதன் அவசியத்தையும், கல்வியில் அவர்களின் பங்கைப்பற்றி மேலும் உள்ளடக்கிய உரையாடலை ஏற்படுத்த வேண்டியதன் அவசியத்தையும் எடுத்துக்காட்டுகிறது.
2024ஆம் ஆண்டு கொண்டாட்டத்தின் கருப்பொருள் ‘‘ஆசிரியர்களின் குரல்களுக்கு மதிப்பளித்தல்: கல்விக்கான புதிய சமூக ஒப்பந்தத்தை நோக்கி” என்று கவனம் செலுத்தும். ஆசிரியர்களின் சவால்களை எதிர்கொள்வதற்கு அவர்களின் குரல்களுக்கு அழைப்பு விடுக்க வேண்டிய அவசரத்தை அடிக்கோடிட்டுக் காட்டும்.
ஆசிரியர்கள் கல்வியை எவ்வாறு மாற்றுகிறார்கள் என்பதைக் கொண்டாடும் ஒரு நாள், ஆனால் அவர்களின் திறமை மற்றும் தொழிலை முழுமையாகப் பயன்படுத்துவதற்குத் தேவையான ஆதரவைப் பிரதிபலிக்கவும், மேலும் உலகளவில் தொழிலுக்கு முன்னோக்கி செல்லும் வழியை மறுபரிசீலனை செய்வதற்குமான ஒரு நாள் இது.
100க்கும் மேற்பட்ட நாடுகள் உலக ஆசிரியர் தினத்தை நினைவுகூருகின்றன. ஆஸ்திரேலிய மாநிலங்கள் மற்றும் பிரதேசங்கள் ஒவ்வொரு ஆண்டும் அக்டோபர் மாதத்தின் கடைசி வெள்ளிக்கிழமையில் கொண்டாடுகின்றன. அதே சமயம் இந்தியா செப்டம்பர் 5ஆம் தேதியை தேசிய ஆசிரியர் தினமாக நினைவுகூருவதைப்போல ஒவ்வொரு நாடும் அதன் சொந்த கொண்டாட்டங்களை நடத்துகின்றனர்.